Qysh prej vitit 2013, Edi Rama e ka mbyllur Galerinë e Arteve dhe e ka zëvendësuar me Qendrën për Hapje dhe Dialog (COD) në Kryeministri, ku filtrohet arti dhe artistët sipas shijeve politike të tij.
Gjithmonë para Galerisë së arteve të del pamja me skela që mbulojnë fasadën. Gjendja nën rikonstruksion është fatkeqësia që kryeministri i ka dërguar kësaj qendre historike të artit.
Në shtator të vitit 2018 Ministria e Kulturës hapi tenderin për projektin e restaurimit, rikonstruksionit dhe rehabilitimit të Galerisë Kombëtare të Arteve, me fond limit 125 milionë lekë pa TVSH, i cili u fitua nga studioja e arkitekturës ‘Atelier 4’.
Në prill të vitit 2021 hapet tenderi për rehabilitimin e Galerisë Kombëtare me fond limit 10.8 milion euro dhe fitohet nga këto kompani ( 4-AM , K.A.E.XH dhe IMAGE DEVELOPMENT), me vlerë kontrate 10.2 milionë euro. Në datën 8 korrik të 2021 lidhet kontrata dhe i hapet rrugë nisjes së punimeve, ku u la një afat përfundimi prej 24 muajsh.
Pra, sipas kontratës në verën e vitit 2023, Galeria duhet të mirëpriste artdashësit.
Në realitet, punimet, jo vetëm që nuk janë përfunduar, por sot, gati një vit më pas, janë ende në fazën fillestare.
Sonte morëm vesh se Galeria ka edhe “drejtor”. Me një vendim të qeverisë është emëruar drejtore e GKA, zonja Adela Demetja.
Kush është drejtoresha e re?
Që nga viti 2010, ajo ka qenë drejtore artistike e Tirana Art Lab – Qendër për Artin Bashkëkohor, e vendosur në Tiranë, Shqipëri. Më parë, ajo ka punuar si një menaxhere e prodhimit të artit.
Demetja ka mbaruar studimet me një Master në Studimet kuratore dhe kritike në Städelschule dhe Universitetin Goethe në Frankfurt, të dyja të vendosura në Frankfurt am Main, Gjermani.
Demetja është trajnuar edhe si një piktore dhe ka studiuar arteve e bukura në Akademinë e Arteve në Tiranë, dhe në Kolegjin e Dizajnit, me seli në Karlsruhe, në Gjermani.
Gijotina.com/
Discussion about this post