Kryeministri Edi Rama në Konferencën Ndërkombëtare për reformën e pensioneve deklaroi se Banka Botërore i ka kërkuar qeverisë shqiptare që të ulen pensionet dhe të rriten çmimet e energjisë. Rama u shpreh se qeveria shqiptare i ka thënë “Jo” këtij skenari.
“Banka Botërore na kërkoi të ulnim pensionet dhe të rrisnim çmimin e energjisë. Përgjigjja jonë ishte JO. Ne do të reformojmë sistemin. Nuk rrisim çmimin e energjisë sepse do të reformojmë sistemin dhe do të garantojmë që të gjithë të paguajnë. Kjo ka ndodhur. Ashtu sikundër në sistemin e pensioneve është menduar sot për sot dhe u krijuan premisat e një skeme në prag të kolapsit”, tha Rama.
Por për të disatën herë kryeministri po përdor manipulimin për të ngritur propagandën në prag zgjedhjesh.
Për të treguar se Banka Botërore nuk i ka kërkuar qeverisë të ul pensionet, por të rrisë pagat, të mbështesë me të ardhurat moshat e treta që vijnë nga paga të ulëta dhe të ndërgjegjësoj bizneset për derdhjen e kontributeve, ne po ju paraqesim specifikisht 6 këshillat e BB. Ndërsa theksojmë se Banka Botërore vë në dukje se duhen politika dhe instrumente shtesë përveç kontributeve për të rritur sigurinë e të ardhurave në pleqëri.
Këshillat e BB
Së pari, rishikimi i skemës së pensioneve për të mbështetur përfshirjen në skemën e sigurimeve të grave dhe punonjësve informale.
Së dyti, qëndrueshmëria e skemës se pensioneve duhet të konsiderohet prioritet dhe duhet të ketë një konsensus të vazhdueshëm nga politika dhe grupet e interesit.
Së treti, duhet promovuar transparenca e të dhënave dhe standardizimi i raportimit mbi sistemet e pensioneve në vendet në zhvillim.
Së katërti, potenciali në rritje i transaksioneve digjitale dhe nga telefoni lehtëson administrimin e pensioneve dhe e bën me të lehtë derdhjen e kontributeve.
Së pesti, të rriturit duhen të ndërgjegjësohen më shumë për të sigurinë e të ardhurave në pleqëri.
Së gjashti, duhet të zhvillohen produkte financiare novatore që mbështesin me të ardhura moshën e tretë.
Dhe të gjitha këto vijnë nëse së pari do të kishim një qeveri transparente, që nuk vjedh me tenderë dhe nuk toleron bizneset e mëdha të cilat kanë krijuar monopol dhe janë të parat që iu shmangen taksave dhe pagesës së kontributeve për punonjësit
Discussion about this post