Ish-ministri i Mbrojtjes Fatmir Mediu, sapo doli nga seanca gjyqësore në SPAK, lidhur me çështjen e shpërthimit në Gërdec më 15 mars 2008, dha një deklaratë për mediat lidhur me zhvillimet e fundit.
“E kam theksuar që 17 vjet nuk jam pyetur. SPAK kishte kohë dy vjet, jo vetëm të pyeste, por edhe të korrigjonte veprimet e paligjshme që ka bërë prokuroria e mëparshme dhe nuk e bëri. Mendoj se është në shërbim të së vërtetës që unë të pyetem në fund të procesit, kur e kanë kërkuar edhe avokatët e mi, kur ka të drejtë dhe të prokuroria të pyesë, ka të drejtë dhe gjykata, edhe familjarët. Pse në fund? – sepse mendoj se është mirë që gjithsecili të dijë rrethanat dhe faktet e dëshmive dhe njëkohësisht edhe dokumentet shkresore dhe kjo e bën më të plotë dhe më të qartë dhe raportin tim me procesin.
Ju thatë në deklarimin që lexuat se ky proces qëllimisht është manipuluar për 17 vjet. Çfarë doni të thoni? Pse është manipuluar? Nga kush?
Mediu: Sepse unë besoj që në të gjitha këto seanca gjyqësore, për këdo, i cili do ta mësojë të vërtetën, ka dalë qartë se nuk ka asnjë fjalë të vetme, jo më fakt, që të implikojë ministrin në shpërdorim të detyrës të akteve dhe detyrimeve ligjore që ai ka pasur.
Pse kërkoni që letër porosia të bëhet me video konferencë?
Mediu: Nuk e kërkuam vetëm ne, por edhe familjarët. Kjo është më e mirë rrugë e mundshme sepse e bën më të plotë procesin në pyetjet që i bëhen dëshmitarëve dhe në reflektim gjatë procesit për ti shkuar të vërtetës deri në fund.
Dua të theksoj një fakt që nëse duan të vërteten, e vërteta del nëpërmjet ballafaqimit. Ajo që shikoj është dëshira për të mos marrë në konsideratë, qoftë edhe nga dëshmitarë të Prokurorisë, dëshmi që ata kanë bërë në procesin e hetimit, në një kohë që duhet të ishte interesi i kundër.
Mendoj që pyetja e përfaqësuesit të kompanisë SAK që kanë qenë në Gërdec do të ishte me plotë nëse ne do të dilnim gjatë këtij procesi nëpërmjet videokonferencës dhe do të bënim pyetje për t’i shkuar të vërtetës deri në fund.
Discussion about this post