Deputeti i PD-së, Agron Gjekmarkaj ka ironizuar kërkesën e një grupi deputetësh të PD-së, përfaqësuar nga Enkelejd Alibeaj, për shkarkimin e kryeparlamentares Lindita Nikolla pas seancës plenare kaotike të 26 janarit.
Në një postim në rrjetet sociale, Gjekmarkaj thotë se kjo nismë për shkarkimin e zonjës Nikolla “është e pakonsultuar me grupin e PD”.
“Nëse ne do kishim votat për të hequr Nikollen nuk “shtiem” në ajer shkarkojmë Ramën dhe e mbyllim çështjen e pushtetit. Kësisoj i kursejme vendit edhe revolucionin”, thekson Gjekmarkaj.
Reagimi i Gjekmarkajt:
Bie dakort me zotin Salianji! Nisma individuale për shkarkimin e Zonjes Nikolla është e pakonsultuar me grupin e PD. Kjo bëhet për të spostuar vemendjen në renditjen e temave politike dhe për ndonjë qokë brënda në PS. Nëse ne do kishim votat për të hequr Nikollen nuk “shtiem” në ajer shkarkojmë Ramen dhe e mbyllim çështjen e pushtetit. Kësisoj i kursejmë vendit edhe revolucionin.
Discussion about this post