Drejtuesi politik i PD në qarkun e Lezhës, Agron Gjekmarkaj prezantoi në Milot dy kandidatët e PD për deputetë në zgjedhjet e 11 majit, Kastriot Piroli dhe Aleksandër Lala.
Gjekmarkaj tha se ndryshimi nuk është më një ëndërr, është një realitet që po afron.
“Ne nuk jemi këtu për propagandë! Ne nuk vijmë me luks e fasada boshe! Ne vijmë me një program të qartë, të ndershëm dhe të realizueshëm”, thekson Gjekmarkaj.
Postimi i plotë:
MILOTI, KURBINI, SHQIPËRIA – NDRYSHIMI PO VJEN!
Të dashur qytetarë të Milotit, të Kurbinit dhe të gjithë Shqipërisë,
Sonte, Miloti foli! Një takim entuziast dhe mbresëlënës, ku çdo shtëpi kishte një përfaqësues në kontratën e fitores! Kjo nuk është thjesht një mbledhje politike, kjo është zgjimi i një populli që nuk duron më padrejtësinë, varfërinë dhe braktisjen!
Miloti dikur ishte një qendër e zhvilluar tregtare, një qytet i gjallë, me shpresë dhe perspektivë. Por prej 12 vitesh është lënë në harresë nga një qeveri që kujdeset vetëm për oligarkët dhe miqtë e saj!
Çfarë ka sot Miloti?
❌ Rrugë të prishura, mungesë energjie dhe infrastrukturë të shkatërruar!
❌ Shëndetësi të falimentuar, ekonomi të rrënuar dhe papunësi ekstreme!
❌ Një treg të shkatërruar, ku fermerët dhe tregtarët mezi mbijetojnë dhe shendeti rrezikohet!
❌ Një qeveri dhe bashki që shantazhon me asistencën sociale dhe patronazhistët e saj!
Por kjo nuk është Shqipëria që duam! Nuk është e ardhmja që meritoni!
Sot, ky takim i jashtëzakonshëm tregon qartë: Ndryshimi nuk është më një ëndërr, është një realitet që po afron!
Ne nuk jemi këtu për propagandë! Ne nuk vijmë me luks e fasada boshe! Ne vijmë me një program të qartë, të ndershëm dhe të realizueshëm!
Kandidatët tanë, z.Kastriot Piroli dhe z. Aleksandër Lala që janë këtu, janë personalitete të ndershëm, profesionist, përfaqësues të qytetarëve, jo të korrupsionit!
Sali Berisha ka treguar që di ta mbajë fjalën! Vitet kur ai ka qeverisur janë dëshmi!
Dhe programi ynë është konkret:
✔️ Pensione jo më pak se 200 euro!
✔️ Minimum jetik 200 euro!
✔️ Rrogë minimale 500 euro!
✔️ Rrogë mesatare 1200 euro!
✔️ 160 milionë euro mbështetje për bujqësinë dhe fermerët!
✔️ Rrogat më të larta në rajon për mësuesit, pedagogët dhe mjekët!
Ne nuk premtojmë mrekulli, por garantojmë dinjitet!
Ne nuk shesim ëndrra boshe, por sjellim ndryshimin e vërtetë!
Ne nuk harrojmë! Demokratët nuk harrojnë!
✅ Ne hapëm dyert e NATO-s!
✅ Ne liberalizuam vizat dhe hapëm Shqipërinë drejt Europës!
✅ Ne ndërtuam rrugët dhe infrastrukturën e vendit!
✅ Ne mbështetëm biznesin dhe hapëm vende pune!
Ndërsa sot, Shqipëria është në duart e një pushteti të korruptuar që sundon me arrogancë dhe përçmim ndaj qytetarëve. Edi Rama dhe regjimi i tij nuk qeverisin, ata rrënojnë! Nuk ndihmojnë, ata vjedhin! Nuk japin shpresë, ata detyrojnë shqiptarët të largohen nga vendi i tyre!
Por mjaft më! Sot, shqiptarët janë zgjuar dhe nuk kanë më frikë!
Rrotacioni është i pashmangshëm!
Korrupsioni do të marrë fund!
Shqiptarët do të rikthejnë Shqipërinë tek qytetarët, jo tek oligarkët!
Bashkë do ta shembim këtë regjim! Bashkë do të rikthejmë shpresën përmes Shqipërisë Madhështore. Ne mundemi! Ne ja dalim!
Discussion about this post