Një person është gjetur i pajetë në qendër të Elbasanit mesditën e kësaj të shtune, pranë banjove publike të qytetit.
Mësohet se trupi i pajetë është konstatuar nga kalimtarët, të cilët më pas kanë njoftuar dhe policinë dhe ambulancën. Viktima është një qytetar rreth 65 vjeç, ndërsa ende nuk është bërë i ditur identiteti i tij.
Deri më tani raportohet për vdekje natyrale, teksa në vendngjarje ka mbërritur policia për zbardhjen e rrethanave. Ndërkohë, trupi i viktimës po dërgohet drejt morgut, ku do të bëhet më pas edhe identifikimi i tij.
