Një shqiptar ka kallëzuar në policinë greke se ka parë një foshnje të braktisur në një rrugë në Aspropyrgos.
Policia iu përgjigj menjëherë kësaj thirrje dhe shkoi në vendin e ngjarjes, ku bëri edhe një kontroll për të gjetur prindërit e foshnjës por nuk pati rezultat.
Kur iu afruan njërës prej shtëpive në zonë, dëgjuan klithmat nga brenda një makine. Pastaj ata u befasuan kur zbuluan se një foshnjë tjetër ishte braktisur dhe lënë brenda një makine. Pastaj ata dëgjuan të qara të tjera dhe gjetën tre fëmijë të tjerë në bagazhin e mbyllur.
Menjëherë pas kësaj, ata arritën të gjejnë një vajzë 13-vjeçare, e cila tha se nëna e saj 25-vjeçare dhe babai i saj 27-vjeçar i kishin dorëzuar për t’u kujdesur për ta dhe ajo i mbylli brenda.
Fëmijët u dërguan në Spitalin e Fëmijëve, ndërsa kundër çiftit u ngrit një çështje për neglizhencë dhe braktisje të miturve.
