Një ngjarje e rëndë është regjistruar ditën e sotme në Fier ku një i moshuar është gjetur i pajetë. Lidhur me ngjarjen e rëndë, sipas policisë bëhet i ditur lajmi se në lagjen “8 Shkurti”, është gjetur i pajetë trupi i qytetarit me iniciale L. P., 86 vjeç, banues në qytetin e Fierit.
Nga ana tjetër, nga vëzhgimet paraprake të trupit të viktimës nuk vërehen shenja dhune dhe dyshohet se vdekja ka ardhur për shkaqe natyrale.
“Më datë 05.06.2022 u referuan materialet në Prokurori për vlerësim, pasi në lagjen “8 Shkurti”, Fier, është gjetur i pajetë shtetasi L. P., 86 vjeç, banues në Fier. Nga këqyrja paraprake e trupit të viktimës nuk vërehen shenja dhune dhe dyshohet se vdekja ka ardhur për shkaqe natyrale.”
Discussion about this post