Presidenti i nderit i Kukësit, Safet Gjici u shfaq shumë i lumtur pas fitores ndaj Dinamos teksa komplimentoi trajneri Longo dhe u ndal tek inagurimi i stadiumit.
“Në fakt, nëse do të plotësohen kushtet, pra nëse fusha do të marrë veten, besoj se përurimi i stadiumit do të bëhet me Tiranën. Do të ishte mirë dhe është në dëshirën tonë që të përurohet me Tiranën. Gjithsesi duhet të presim çfarë do të na thonë specialistët. Ekipi është ndërtuar për kampion.
Longo meriton notën 10, sepse ka fituar. Punë ka, gjithsesi, duhen përmirësuar shumë gjëra. Ka lojtarë në stol që nuk janë provuar akoma. Deri tani është mirë dhe besoj se me këtë sistem loje jemi të kënaqur të dy”, theksoi Gjici.
