Jamarbër Malltezi ka ankimuar vendimin e gjykatës për masën e sigurisë dhënë ndaj tij, “arrest me burg”.
Dhëndri i ish-kryeministrit Sali Berisha u arrestua nga autoritetet në datën 21 tetor në aeroportin e Rinasit, ndërsa akuzohet për korrupsion dhe pastrim parash lidhur me privatizimin e ish-kompleksit sportiv “Partizani” në kryeqytet.
GJKKO nuk ndryshoi masën e sigurisë duke lënë në qeli Jamabër Malltezin, në lidhje me privatizimin e ish-kompleksit “Partizani” në kryeqytet, ku për të njëjtën çështje ndaj vjehrrit të tij, Sali Berisha është dhënë masa “detyrim paraqitje”
Ndaj tij janë ngritur akuzat për korrupsion dhe pastrim të produkteve të veprës penale.
Pas seancës së të nënës në GJKKO (23 Tetor), avokati mbrojtës i Malltezit, Klodian Skënderi deklaroi se qëndrimi i palës së akuzuar ka qenë mohues, duke shtuar se në rastin konkret nuk ka një vepër penale dhe se personat në hetim janë në një marrëdhënie të pastër.
“Në rastin konkret nuk ka vepër penale, sepse personat nën hetim janë në një marrëdhënie civile të pastër. Nuk mund të aludohet se me anë të ligjeve apo VKM që as janë atakuar në kohë, as kundërshtuar, të pretendohet kryerja e veprave penale korrupsion.
Qëndrimi jonë në raport me akuzat e atribuuara është një qëndrim mohues, e them me bindje për aq sa mundëm të shihnim fashikujt e depozituar të Prokurorisë në Gjykatë. Të akuzosh dikë se është një trashëgimtar i ligjshëm i një familjeje tiranase si ajo Begeja, se ka lidhur marrëdhënie kontraktore me një familje tjetër tiranase është shumë e guximshme. Ky standard i Prokurorisë është shumë i ulët dhe me këto aludime po cenohen parimet juridike”, deklaroi avokati Skënderi.
Discussion about this post