Pasi Gjykata e Apelit i la në dorë vulën, Enkelejd Alibeaj do të mbledhë grupin parlamentar të PD-së, ditën e hënë.
Në njoftimin për mediat, Alibeaj bën me dije se do të mbledhë kryesinë e Partisë, grupin parlamentar dhe Kolegjin e Kryetarëve, mbledhje në të cilat do të diskutohet mbi situatën e fundit të krijuar brenda Partisë Demokratike, si edhe një fokus të veçantë do kenë zgjedhjet vendore.
Mësohet se Alibeaj do të mbledhë grupin parlamentar në orën 12:00.
Pas vendimit të gjykatës për t’i kaluar vulën, përfaqësuesi ligjor i PD-së, Indrit Sefa njoftoi se të hënën do të depozitojnë në KQZ kërkesën për t’u regjistruar në zgjedhje.
Vendimi i gjykatës është kundërshtuar nga Sali Berisha dhe deputetët përkrahës të tij, të cilët e kanë cilësuar Alibeajn si një peng të Ramës, që po mundohet të shkatërrojë Partinë Demokratike dhe demokracinë në vend. Edhe Berisha ka paralajmëruar mbledhje me deputetët përkrahës të tij.
Discussion about this post