Blerja e klubit të Newcastle nga arabët ishte një nga lajmet më të komentuara të ditës së enjte. Vetëm një ditë pas zyrtarizimit të shitjes së klubit që luan në Premier League arabët kanë filluar të futen në lojë.
Sipas “Gazzeta dello Sport” ata kanë kontaktuar ish-trajnerin e Interit, Antonio Conte, i cili për momentin është pa skuadër dhe është një nga analistët e Champions League.
Media italiane raporton se sheikët do i ofrojnë teknikut që shpalli ‘Zikaltërit’ e Italisë kampion të Seria A një pagë stratosferike.
Teksa gjatë merkatos së janarit pritet të bëhen afrime shumë të mira në skuadër në mënyrë që ky ekip të kthehet në një nga më të rëndësishmit në elitën e futbollit anglez./K.T/Gijotina.com
