Pas sanksioneve të SHBA-ve, edhe kompanitë prestigjoze amerikane po marrin masa ndaj Rusisë. Kësaj radhe ka qenë Google e cila ka hequr median shtetërore ruse Russia Today nga mjeti i saj i kërkimit të lajmeve. Presidenti i Google, Kent Walker, u shpreh se kjo bëhet për të ndalur përhapjen e dezinformimeve në internet.
“Në këtë krizë të jashtëzakonshme ne po marrim masa të jashtëzakonshme për të ndaluar përhapjen e dezinformatave dhe për të ndërprerë fushatat e dezinformimit në internet” – tha Kent Walker, presidenti i Google për çështjet globale.
Si fillim Kompania kishte kufizuar faqet e lajmeve të financuara nga qeveria ruse nga reklamimi dhe përdorimi i disa veçorive në YouTube, platforma e ndarjes së videove në pronësi të Google.
Ndërkohë zëvendës kryeredaktorja e Russia Today, Anna Belkina, nuk e ka pritur mirë këtë vendim, duke u shprehur se masa ishte dëshmi se kompanitë perëndimore të kërkimit janë tmerruar nga prania e një zëri të jashtëm nga frika e humbjes së audiencës.
“Të tmerruar nga prania e thjeshtë e ndonjë zëri të jashtëm nga frika e humbjes së audiencës së tyre historikisht të robëruar, nëse ajo audiencë ndeshet me një këndvështrim tjetër”.
Russia Today dhe Sputnik, një faqe tjetër e financuar nga qeveria, konsiderohen nga Departamenti Amerikan i Shtetit si dy “elementë kritikë në ekosistemin e dezinformimit dhe propagandës së Rusisë” Gjigandi i teknologjisë Apple ka thënë gjithashtu se RT dhe Sputnik nuk do të jenë më të disponueshme për shkarkim në dyqanin e tij të aplikacioneve jashtë Rusisë.
Discussion about this post