Grabitën produkte kozmetike me vlerë 1.7 mln euro, burg për dy shqiptarët në Belgjikë

Dy shqiptarë, identiteti i të cilëve nuk bëhet i ditur, janë dënuar me 3 vite e 7 muaj burg në Belgjikë për vjedhje.

Mediat vendase raportojnë se ata janë arrestuar më 16 mars të vitit të kaluar në Zolder, pasi grabitën një kamion me produkte kozmetike të markës Estee Lauder.

Kamioni me produkte kozmetike, i parkuar në rrugën Truskstop, u grabit nga shqiptarët duke hapur një vrimë në pjesën e pasme të kamionçinës. Vlera e produkteve shkon në 1.7 mln euro.

Përveç dënimit me burg, shqiptarët janë gjobitur me 2 400 dhe 4 800 euro.