Antuan Grizman është një prej futbollistëve më të rëndësishëm të skuadrës së Atletiko Madrid dhe kombëtares franceze. Në një intervistë të fundit ai ka folur për rikthimin tek madrilenët dhe konkurencën tek Franca.
“Isha shumë i shqetësuar se si do të më prisnin, por e dija që do të jepja gjithçka në fushën e lojës. Deri tani gjithçka është shumë mirë. Mendoj se këtu më duan për atë që jam dhe kjo është diçka perfekte për të gjithë. Është e vërtetë që kam një trajner që beson tek unë, një klub që beson tek unë. Bashkëshortja është e lumtur, fëmijët të gëzuar. Jam i kënaqur si brenda dhe jashtë fushës.
Kalimi te Barcelona? Isha shumë i lumtur që po shkoja aty dhe shokët e skuadrës ishin të jashtëzakonshëm. Mësova shumë prej trajnerëve, edhe pse në shumë raste nuk kam luajtur. Por nuk ishte katastrofë, sepse i kam shënuar gjithmonë 20 gola në sezon. Është krenari që luajta te Barcelona.
Nuk jam fare xheloz nëse shënojnë Benzema dhe Mbappe. Kështu fitojmë ndeshjet. Kur ata janë mirë, e gjithë skuadra është mirë”, tha Griezman.
Discussion about this post