Gruaja shet makinën e shpenzon 17 mijë£ për ti shpëtuar jetën qenit

Një grua në SHBA ka shitur makinën e saj dhe ka përdorur trashëgiminë e saj për të paguar një operacion shpëtimi për jetën e qenit të saj Chihuahua.

Jac Williams, 54 vjeçe, shpenzoi 17,500 paund për një operacion në zemër për të shpëtuar jetën e qenit të saj.

Jac, nga Wareham, Dorset, shiti makinën e saj Nissan Qashqai-n e që e kishte prej dy vitesh për 15,000 £ dhe mori pjesën e mbetur prej 2,500 £ nga trashëgimia, në mënyrë që chihuahua e saj Louie të mund të riparonte valvulën mitrale.

Prof Daniel Brockman udhëhoqi kirurgët në një operacion katër-orësh duke përdorur anestezi të përgjithshme në Kolegjin Mbretëror Veterinar të Londrës.

Zemra e tij u ndal për një orë e gjysmë ku Louie iu nënshtrua një bypassi dhe bëri një transfuzion gjaku gjatë riparimit.

“Një javë para se të shkonte për operacionin e tij, pati një përkeqësim masiv. Frymëmarrja e tij u rëndua dhe kur e dorëzova, me të vërtetë nuk e prisja që ta merrja përsëri,” tha ajo.

Më pas qeni qëndroi në kujdesin intensiv për dy ditë dhe më në fund u largua nga spitali pas një jave shërimi.