Pep Guardiola ka marrë vendimin që seancën para ndeshjes ta zhvillojë në Mançester. Lojtarët e Cityt mbërritën në kryeqytet pasditen e sotme dhe do të bëjnë vetëm një vizitë të vogël në Santiago Bernabeu.
Qytetarët kanë zbritur këtë pasdite në aeroportin Adolfo Suarez Madrid-Barajas dhe janë nisur për në hotelin Mandarín Oriental Ritz.
Megjithatë, skuadra e Pep Guardiolas nuk do të stërvitet në kryeqytetin spanjoll, pasi u stërvit mëngjesin e sotëm në Mançester.
Edhe një herë, rivali i ndeshjes së Ligës së Kampionëve vendos të mos zhvillojë seancën e mëparshme përkatëse në Santiago Bernabéu.
Gjithashtu Liverpool dhe Chelsea zgjodhën këtë opsion dhe shmangën ushtrimet e ambientimit në tempullin e bardhë.
I njëjti opsion si rivalët në Premier
Pep Guardiola ka dashur ta ndryshojë këtë në raport me vitin e kaluar dhe stërvitjen e ka kryer në ambientet e klubit të qytetit.
Të dyja skuadrat angleze gjithashtu zgjodhën këtë plan dhe të gjithë e dimë se cili ishte rezultati.
Si Chelsea ashtu edhe Liverpool nuk dolën mirë në takimin e tyre në Santiago Bernabéu dhe Manchester City mund të ecë në të njëjtën mënyrë.
Do të shohim se si do të përfundojë lëvizja për trajnerin spanjoll, edhe pse në bazë të përvojës, nuk do të sjellë ndonjë gjë të mirë për të në të ardhmen.
Pershtypjet e para
Shumë lojtarë do të luajnë përsëri në këtë stadium pas duelit të sezonit të kaluar, ndërkohë që disa nga lojtarët e tjerë do ta kënë herën e tyre të parë.
Erling Haaland është një nga futbollistët e pakët të Cityt që nuk ka luajtur ende një ndeshje në Santiago Bernabeu.
Pep Guardiola konsideron se ka mësuar nga ajo që ndodhi dhe do të shohim se çfarë mendimi do të ketë për rikthimin e tij në Chamartín.
Trajneri spanjoll planifikon të mbajë konferencën për shtyp para ndeshjes në orën 19:30 me prezencën e një lojtari tjetër nga skuadra që ende nuk dihet.
Discussion about this post