Pep Guardiola do të largohet nga Manchester Siti në përfundim të kontratës teksa lajmi është konfirmuar nga vetë trajneri spanjoll. Drejtuesit e klubit anglez po punojnë për të gjetur pasuesin e Guardiolas. Mediat sportive në Angli raportojnë se është Brendan Rodgers njeriu i përzgjedhur nga kampionët në fuqi të Premier League për të marrë drejtimin e klubit nga Manchesteri. 48 vjeçari i përmbush kushtet e drejtuesve të ishullorëve për të lideruar një ndër klubet më të suksesshëm në vitet e fundit në kampionatin anglez.
Rodgers ka një eksperiencë të madhe në futbollin anglez teksa do të arrinte majën e tij në rolin e trajningut pikërisht tek Manchester Siti. Gjatë aventurës në “Etihad Stadium” trajneri Pep Guardiola ka fituar çdo trofe të mundshëm në Angli por jo në Europë çka është edhe objektivi primar i “qytetarëve”. Championsi mungon prej disa vitesh tek Guardiola që dështoi të korrte sukses edhe tek Bajerni i Mynihut.
Discussion about this post