Trajneri i Manchester Sitit, Pep Guardiola ka reaguar pas emërimit të Ksavi Hernandez si trajner i Barcelonës. Spanjolli nuk ka hezituar ta këshillojë publikisht ish-mesfushorin e talentuar.
“Unë nuk kam qënë i krahasuar asnjëherë me askënd dhe Xavi nuk ka pse të krahasohet me ndokënd. Laporta e ka zgjedhur atë sepse Xavi është një profesionist i vërtetë dhe koha do e tregojë këtë gjë.
Ai e njeh mirë klubin e Barcelonës dhe do të sjellë energji pozitive në klub. Një energji të cilën ai e silltë në kohën kur ishte mesfushori i tyre, një ikonë e vërtetë e futbollit. Ai gjithmonë sheh anën pozitive të gjërave. Me klasin e tij jam sigurt që ai do të bëjë shumë mirë te Barcelona.
Unë i them Xavit vetëm që mos të dëgjoj zërat e krahasimeve me mua apo me dikë tjetër, por të punojë siç di vetë ai dhe të lejë gjurmë dhe emër si një trajner i klasit të lartë siç ka qënë si një lojtar i klasit të lartë”, tha Guardiola.
Discussion about this post