Guardiola: Na mungon vetëm Championsi. Trashëgimia ime do jetë…

E gjithë Italia është me sytë në San Siro për euroderbin, por gjysmëfinalja tjetër luhet të mërkurën në mbrëmje, ndoshta më prestigjiozja, me Manchester Cityn që pret Real Madridin dhe kërkon hakmarrje pas eliminimit të bujshëm të pësuar vitin e kaluar:

“U them lojtarëve të jetojnë momentin dhe ta shijojnë sepse jemi me fat – deklaroi Guardiola në konferencën për shtyp – Nuk duhet të bëjmë asgjë të jashtëzakonshme, varet nga ne, duhet të japim gjithçka dhe të jemi vetvetja. Po hyjmë shumë mirë në këtë ndeshje, por ne duhet të luajmë më mirë se Real Madridi, dëshira nuk mjafton”.

“Ne do të duhet të jemi më të mirë se Reali për të shkuar në finale – përsëriti trajneri spanjoll – Duhet të luajmë më mirë se në ndeshjen e parë, jemi në formë të mirë”. “Ne jemi në finalen e FA Cup dhe një ndeshje larg nga fitimi i kampionatit – shtoi Pep, duke kërkuar me padurim një tjetër “Tripletë” – Askush nuk më tha të fitoja Ligën e Kampionëve kur mbërrita, por thjesht po na mungon. Kemi fituar çdo titull përveç këtij… Ne e duam. Njerëzit thonë se jemi afër, por unë mendoj se jemi larg. Por askush nuk na garanton se do të kthehemi, kështu që pasi të jemi atje, të fitojmë ‘të shkretën’.”

Më pas trajneri u ngacmua nga disa gazetarë, të cilët e pyetën nëse do ta përcaktojë trashëgiminë e tij muajin e ardhshëm:

“Tashmë është e jashtëzakonshme! Trashëgimia ime do të jetë një brez i madh lojtarësh, kemi fituar shumë, nuk do të gjykohem për Champions Ligat. Trashëgimia më e mirë që mund të kemi është të luajmë futboll të shkëlqyeshëm dhe të argëtohemi shumë. Ne nuk jemi budallenj të dimë se sa e rëndësishme është e nesërmja, ndoshta më e rëndësishmja që kur kam qenë këtu.

“Kam luajtur 10 gjysmëfinale dhe kam humbur 7 në Ligën e Kampionëve, e di këtë ndjesi”, shtoi Guardiola, i cili foli pak për lojtarët: “De Bruyne u stërvit normalisht. I vetmi jashtë është Aké”.

Real Madrid? “Nuk e di pse janë kaq të fortë në Evropë, nëse do ta dija se do të dija t’i mundja. Ata gjithmonë kanë pasur lojtarë cilësorë, pa atë standard ata nuk do t’i kishin arritur qëllimet e tyre.”- përfundoi Guardiola.

Takimi Manchester City-Real Madrid, luhet të mërkurën, duke filluar nga ora 21:00.