Trajneri i Manchester Sitit, Pep Guardiola ka komentuar gjendjen aktuale të lojtarëve të ekipit të tij dhe emërimin e mundshëm të trajnerit Rangnick tek rivalët e Manchester United.
“Unë nuk e njoh Rangnick personalisht. Kemi folur një herë në telefon, e kam takuar në një rast. Puna e tij e shkëlqyer me Red Bull flet për të. Nëse do të më duhej të flisja për të gjithë drejtuesit e Manchester United, do të qëndronim edhe tre orë të tjera dhe më duhet të bëj një sy gjumë këtë pasdite. Kur të bëhet zyrtare do të flasim për menaxherin e ri. Tani për tani trajneri është Michael Carrick dhe ne do ta respektojmë atë.
Foden dhe Grealish kanë pasur stërvitje individuale. Ata janë më të mirë, por ne nuk do të rrezikojmë. Kundër PSG-së ishim vetëm 15 lojtarë, Palmer dhe McAtee na ndihmuan. De Bruyne është pak i lodhur dhe nuk i ndjen shijet, ai ka të gjitha simptomat që njohim për Covid-19. Shpresojmë që të kalojë shpejt. Brenda pak ditësh ai do të bëjë një tjetër test dhe nëse do të jetë negativ do të rikthehet në skuadër”, tha Guardiola.
Discussion about this post