Kreu i OVL-UÇK, Hysni Gucati në një intervistë në Ora News u shpreh se protesta e nesërme në sheshin ‘’Skënderbej’’ për UÇK është një protestë që ka karakter kombëtar.
Gucati konfirmoi se të pranishëm në protestë do jeni ish presidenti i Shqipërisë, Alfred Moisiu si dhe kryetari i BDI, Ali Ahmeti.
Gucati: Do i kisha bërë ftesë dy liderëve që ti lënë politizimet mes vetes dhe të mos merren me organizmin tonë dhe ne jemi në fund të organizimit tonë.
Unë i bëj thirrje edhe njëherë, Albin Kurtit dhe Edi Ramës, sidomos Kurtit i bëj thirrje që të mos e politizojë protestën e shoqatave të dala nga lufta.
Ne jemi shoqata apo organizata joqeveritare.
Ne kemi organizuar dy protesta më herët dhe nuk kemi pasur politizime sikur sot.
Të gjitha këto mundësi mi ka dhënë shteti shqiptar që ta organizoj protestën këtu bashkë me shokët nga Tirana.
Shtetin shqiptar e përshëndes që mi ka dhënë të gjitha mundësitë, ku e ka hequr edhe taksën rrugore që ne nesër të udhëtojmë pa taksë.
Kjo protestë ka karakter kombëtar.
Do tubojnë të gjithë shqiptarët këtu në sheshin ‘’Skënderbej’’ për një kauzë shumë të madhe.
Unë mendoj se nesër iu ka hije liderëve shqiptarë të vijnë, t’iu bashkangjiten qytetarëve të tyre në protestën gjithëkombëtare që do bëhet në sheshin ‘’Skënderbej’’.
Fjalime politike nuk do të ketë këtu.
Dua të falenderoj një njeri shumë të madh në Shqipëri siç është Alfred Moisiu, ish presidenti shqiptar i cili do e marrë fjalën.
Për mu ka qenë lajmi më i mirë kur ai më ka konfirmuar që do marrë pjesë në protestë dhe do e marrë fjalën.
Të pranishëm do jetë të gjithë.
Ne i kemi ftuar të gjithë partitë politike.
Do të vijë edhe Ali Ahmeti nga Maqedonia nesër.
Discussion about this post