Vllaznia do të përballet të shtunën me Kastriotin në orën 16:45 në ‘Loro Boriçi’ për takimin e vlefshëm për javën e 9 të Superligës.
Në konferencën për mediat krah trajnerit Thomas Brdariç në prag të kësaj sfide, kapiteni i shkodranëve, Erdenis Gurishta u shpreh se ekipi ‘Kuqeblu’ nuk është ai i sezonit të kaluar, ndërsa shtoi se duhet të rikthejnë ato rezultate pozitive.
“Vllaznia nuk është ajo e sezonit të kaluar, normalisht që shfaqen probleme të lojtarëve të caktuar. Në fillim të sezonit kisha një dëmtim, por e kam kaluar dhe dita ditës po kthehem te ai Gurishta i sezonit. Më e rëndësishme është që Vllaznia të kthehet te ajo Vllazni e sezonit të kaluar dhe jo të kthehet Gurishta dhe pastaj lojtarët e tjerë të mos jenë në 100% e tyre”-theksoi Gurishta.
Rikujtojmë se në tre takimet e fundit në Superligës, shkodranët ka regjistruar rezultate negative, ndërsa pritet që kthesa të bëhet në ndeshjen e radhës./K.T/Gijotina.com
Discussion about this post