Ministria e Jashtme ruse njoftoi ditën e sotme se ka shpallur non grata një diplomat të Maqedonisë së Veriut në Rusi, si kundërpërgjigje të një veprimi të ngjashëm kundër një diplomati rus që Shkupi bëri në gusht.
Më 4 tetor, Oliver Chaushevska-Dimovska, e ngarkuara me punë nga Maqedonia e Veriut në Rusi, u ftua nga ministria e Jashtme e Moskës për t’iu dhënë njoftimi i non gratas.
Kjo si pasojë e vendimit të pabazuar të Maqedonisë së Veriut për të ndërmarrë të njëjtin veprim ndaj një diplomati të ambasadës ruse, njofton ministria e Jashtme ruse.
Ministria e Jashtme ruse tha se “administrata e Maqedonisë së Veriut vazhdon të ecë përgjatë një rruge konfrontimi, pa i kushtuar vëmendje faktit se hapa të tillë dëmtojnë marrëdhëniet dypalëshe”.
Në gusht, Ministri i Jashtëm i Maqedonisë së Veriut Bujar Osmani tha se Shkupi kishte vendosur të dëbonte një diplomat rus, sjellja e të cilit dyshohet se ishte në kundërshtim me parimet e Konventës së Vjenës. Para kësaj, Shkupi dëboi një diplomat tjetër rus në maj.
