Pas akordimit të një fondi prej 1 200 000 lekë për prokuroren e Pukës Elidiana Kasa, qeveria ka marrë një tjetër vendim.
Këshilli i Ministrave ka vendosur në mbledhjen e parë të qeverisë së re hapjen e pikës së përbashkët të kalimit kufitar mes Shqipërisë dhe Kosovës Shishtavec (Kukës) – Krushevë (Dragash). Ky vendim që mban firmën e kryeministrit Edi Rama do të hyjë në fuqi menjëherë.
Kryeministri Rama bashkë me 16 ministrat e tij shkuan paraditen e sotme tek presidenti Ilir Meta ku morën zyrtarisht detyrën. Pas betimit, kabineti qeveritar “Rama 3” u mblodh për herë të parë, ku kryeministri dha edhe porositë e fundit. Rama kërkoi ndër të tjera të mos abuzohet me detyrën si dhe të ketë një mirëkuptim mes qeverisë dhe opozitës.
