Haradinaj: 4 Korriku të shpallet festë shtetërore në Kosovë

Shtetet e Bashkuara të Amerikës festojnë sot 4 Korrikun, Ditën e Pavarësisë.

Kryetari i Aleancës për Ardhmërinë e Kosovës, Ramush Haradinaj ka thënë se do të ishte në nderin e Kosovës që 4 Korriku të shpallet festë shtetërore.

“Amerikë, urime ditëlindjen! Je gjithmonë inspirim për ne. Do të ishte në nderin e Kosovës që 4 Korriku të shpallet festë shtetërore”, ka shkruar kreu i AAK-së në Facebook.

247-vjet më parë u ratifikua Dokumenti i Pavarësisë, një dokument ku 13 kolonitë nga Amerika e Veriut shpallën pavarësinë nga Mbretëria e Bashkuar.