Edhe dhoma e avokatisë së Durrësit, dega Kavajës i është bashkuar bojkotit kundër hartës së re gjyqësore. Sipas avokatëve të cilët janë mbledhur mëngjesin e kësaj të hëne në formë proteste harta e re gjyqësore është një vendim arbitrar dhe cenon interesat e komunitetit, duke rritur kështu dhe kostot te qytetarët dhe dëmtuar aksesin në drejtësi.
Po sipas tyre harta e re gjyqësore sjell zvarritje të rëndë të proceseve gjyqësore në kohëzgjatje ashtu dhe në marrjen e drejtësisë. Avokatët e qytetit të Kavajës kërkojnë të mos shkrihet Gjykata e Apelit Durrës si dhe gjykata aktuale e rrethit gjyqësor Kavajë të funksionojë normalisht në formën e degës në varësi të gjykatës së Durrësit.
Gjatë gjithë ditëve të bojkotit në Gjykatën e Kavajës është vendosur bojkoti i të gjitha proceseve gjyqësore civile dhe penale përfshirë masat e sigurimit.
Discussion about this post