Kompania “Sang 1” Shpk është marrë e pandehur për vepren penale “Falsifikim i Dokumenteve” dhe dosja është dërguar për gjykim në Gjykatën e Lezhës.
Sipas hetimeve, ka rezultuar se konsultimi publik i cili shoqërohet me procesverbal ku nënshkruajnë banoret e zonës është falsifikuar.
Në gjykatë çështja do të shqyrtohet nga gjyqtarja Edlira Çota dhe seanca e parë paraprake është caktuar me datë 9 maj.
Leja për ndërtimin e HEC-it në zonën e Thirrës në Mirditë është dhënë 20 qershor 2018 dhe projekti po zbatohet nga kompania “Sang 1” shpk. Beteja për këtë çështje vijon të jetë në dyert e gjykatave, por ende nuk ka një vendim të formës së prere, ndërsa deri më tani janë kryer mbi 70 përqind e punimeve.
Aktualisht punimet janë të pezulluara me vendim të Bashkisë Mirditë, pasi kompanisë i janë gjetur mangësi në dokumentacion.
Banorët kundërshtojnë prej kohësh projektin. Sipas tyre, dëmet që sjell ndërtimi i HEC-it në këtë zonë janë të mëdha për bujqësinë dhe mjedisin.
Discussion about this post