Hidhet spray djegës në ambientet e shkollës, 3 nxënës në spital

Në ambientet e gjimnazit “Skënderbeu” në Krujë është hedhur një sasi spray me spec djegës, çka ka shkaktuar panik dhe kaos në ambientet e shkollës.

Lidhur me ngjarjen e denoncuar më herët nga ish-Kryeministri Sali Berisha, ka reaguar edhe Policia, e cila njofton se ka shoqëruar një prej nxënësve që ka hedhur sasinë e spray, që përdoret për vetëmbrojtje.

Nxënësi që ka hedhur spray raportohet se është i vitit të dytë, ndërsa që në ambientet e shkollës ka mbërritur edhe shërbimi mjekësor, pasi disa prej nxënësve të gjimnazit janë ndjerë keq. Raportohet se 3 nxënës janë transportuar drejt spitalit të Krujës për ndihmë mjekësore më të specializuar.

Policia njoftoi se ka shoqëruar nxënësin H.Ll, i cili po merret në pyetje.