Lewis Hamilton ka arritur të triumfojë në Çmimin e madh të Katarit në Formula 1, ku arriti të presë i pari vijën e finishit.
I dyti në këtë garë u pozicionua Max Verstappen, që pas shumë peripecive nuk mundi të arrijë triumfin absolut në këtë pistë, pavarsisht faktit se e nisi garën nga vendi i shtatë pas një penalitet prej pesë pozicionesh.
Supriza e kësaj gare ishte piloti veteran i Formula 1, spanjolli Fernando Alonso që rikthehet në podium në vendin e tretë pas shtatë viteve. Hera e fundit kur Alonso ngjitej në podium ishte në pistën e Hungarisë në vitin 2017 kur pilotonte për skuadrën Ferrari.
Dy pilotët e Ferrarit nuk mundën të shkojnë dot përtej vëndeve të 7 dhe 8, duke konfirmuar edhe një here paraqitjen e dobët edhe për këtë sezon të ‘kokëkuqes’.
Pas këtij triumfi, Hamilton ka ngushtuar diferencën me kryesuesin Max Verstappen, ky i fundit me 351.5 pikë ndërsa anglezi me 343.5 pikë.
Discussion about this post