Bashkim Jasharin, nipi i Adem Jasharit komandantit të Ushtrisë Çlirimtare të Kosovës, është emëruar kreu i ushtrisë së Kosovës.
Lajmin e ka bërë të ditur, Ministria e Mbrojtjes e cila ka njoftuar se ministri Armend Mehaj priti në zyrën e tij gjeneral Rrahman Ramën, pas dorëheqjes nga detyra e komandantit të FSK-së, dhe gjeneralmajor, Bashkim Jasharin, në cilësi të komandantit të ri të FSK-së, të sapo emëruar nga presidentja Vjosa Osmani.
“Me këtë rast, ministri Mehaj falënderoi dhe shprehu mirënjohjen e lartë për kontributin e madh të gjeneral Ramës, të dhënë gjatë UÇK-së, TMK-së dhe FSK-së, në pozitat e tij udhëheqëse”, thuhet në njoftim.
Më pas, ai uroi gjeneral Jasharin për detyrën e re, duke shprehur nderin dhe privilegjin e madh të tij të bashkëpunojë me njërin nga bashkëluftëtarët dhe nipin e komandantëve legjendarë Adem dhe Hamzë Jashari.
Discussion about this post