Shpenzimet në hotele, dieta, taksi apo qira Agjencia Kombëtare e Turizmit i paguan me paratë që vjedh nga buxheti i shtetit. Në rregulloren që përcakton shpërndarjen ë fondeve për këtë agjenci nuk përcaktohet në asnjë moment që me fondet e buxhetit të shtetit, të përballohen shpenzimet e subjekteve private në panairet ndërkombëtare. Por deri më tani, sipas hetimeve të kryera nga Kontrolli i Lartë i Shtetit nuk ka rezultuar kështu, pasi që nga 2018 subjektet private nuk paguar asnjë lekë, për shpenzimet e hapësirës me qira, stendës, dizenjimit, regjistrimit në panair, materialeve promocionale që reklamohen në stendë.
Theksojmë se, nga takimet e AKT me subjektet private, është diskutuar mundësia e mbulimit të shpenzimeve nga të dyja palët, të cilat janë shprehur dakord, që kostot e panairit, mos të mbulohen vetëm nga fondet buxhetore të AKT, por që këto diskutime, kanë mbetur në letër, dhe nuk janë formatizuar në ndryshime të akteve nënligjore, me qëllim vënien në zbatim të tyre. Në çdo vit kjo agjenci ka gllabëruar nga buxheti i shëtit miliona euro për të paguar detyrimet që nuk ka në përgjegjësi dhe duke favorizuar kështu subjektet private.
Konkretisht, raportohet se, Për vitin 2019 nga AKT, për pjesëmarrjen e saj dhe të agjencive/operatorëve turistik në panaire ndërkombëtare, janë shpenzuar rreth 44,514,645 lekë për 10 panaire ndërkombëtare, pa përfshirë shpenzimet e udhëtimit, dietave, hotelit të stafit të AKT-së.
Në muajin Dhjetor të vitit 2019 janë kryer shpenzime në vlerën 3,507,438 lekë, për llogari të 3 panaireve që zhvillohen në vitin 2020 (Madrid, Holland dhe Vienë), ndërkohë që për vitin 2019, këta 3 panaire nuk kanë qenë të miratuar nga Ministri përgjegjës për turizmin. Jo vetëm kaq. Por në disa raste kanë marrë para edhe subjekte që nuk morën pjesë në panair.
Me urdhër shpenzimin nr.102, datë 15.05.2019, nga AKT është paguar për një panair në Berlin fatura në vlerën 8,056,242 lekë ose 64,193 euro, lëshuar nga
subjekti që ka kryer ndërtimin dhe arredimin e stendës, për të cilën nuk administrohet komunikimi zyrtar i AKT-së me subjektin, oferta dhe specifikimet e nënshkruara nga Titullari i AKT-së.
Për shembull për një panairi në Madrid nga AKT morën pjesë 3 punonjës. Shpenzimet për këtë panair ishin: 1,341,864 lekë për marrjen me qira të stendës në sipërfaqen 36 m2; 66,870 lekë dieta për 3 punonjës; 463,750 lekë (3,710 euro) hotel për 3 punonjës; 36,500 lekë 2 taksi për 3 punonjës (aeroport-hotel dhe e anasjellta); 30,250 lekë shpenzime siguracioni dhe regjistrimi në panair. Në total 1,939,234 lekë .
Ndërkohë, KLSH kërkon që para përgjegjësisë këto abuzime me shuma marramendëse duhet të vihet edhe Ministria e Turizmit e cila ka aprovuar alokimin e fondeve pa kriter për këtë agjenci.
E.H/ gijotina.com/
