Tirana sfidon Partizanin në “Air Albania” në një përballjë ku fitorja është obligim për të dyja ekipet. Mbrojtësi i Tiranës, Erjon Hoxhallari ka tentuar të largojë presionin para kësaj përballje duke theksuar se fitorja vlen vetëm tre pikë.
“Është kundërshtari i radhës, me çdo ekip vlen tre pikë fitorja, ashtu vlen edhe me Partizanin.
Situata është normale. Si çdo ndeshje tjetër, e kemi përgatitur si çdo ndeshje tjetër, jemi përgatitur mirë dhe shpresojmë të marrim 100%.
Normalisht që dëshira është të fitojmë, dëshira është e madhe, por nuk vlen kush shënon nesër është e rëndësishme të japim gjithçka e marrim maksimumin nga ajo ndeshje
Jemi të qetë, jemi të përgatitur shumë qetë si të jetë sfidë tjetër, shpresojmë të mos kalojmë në eufori nesër dhe të japim maksimumin.
Tifozeri na motivon, sidomos në atë stadium, që është ambient i mirë, shpresoj ta kemi në favor.
Ne jemi futbollistë, jem të fokusuar te ekipi ynë, nuk më takon mua të flas për taktikën.
Ndeshja i ka të tëra rezultatet por duhet të hymë në fushë për maksimumin dhe me besim ndoshta do të arrijmë ta kalojmë këtë ndeshje”, ka theksuar Hoxhallari.
