Real Madrid ka vuajtur jo pak për të marrë 3 pikët në javën e 13 të La Liga-s. Skuadra e Jose Mourinho-s u desh të përmbyste 2-1 Celta Vigo-n për t’ia dalë në një sfidë të komplikuar. Në Bernabeu miqtë zhbllokuan shifrat me Duran, ndërsa Reali humbi shansin e artë për të barazuar në pjesën e parë, pasi Mbappe gaboi nga pika e bardhë e penalltisë.
Në pjesën e dytë për ‘galaktikët’ do të barazonte Jude Bellingham, ndërsa talenti Espi solli fitoren në minutën e 85. Me këtë sukses Real Madrid barazoi të paktën përkohësisht Barcelonën në krye të La Liga-s me 33 pikë.
Në Seria A një gol i McTominay riktheu Napolin te fitoret. Të besuarit e Allegri-t mposhtën 1-0 Torino-n, duke rikthyer qetësinë në skuadër.
Më herët Lazio tregoi se e ka seriozisht për titullin kampion në Itali. Skuadra e Gattuso-s mposhti 3-0 Lecce-n, teksa dy nga golat erdhën nga Noslin. Për të vulosur shifrat përfundimtare mendoi Frattesi i realizoi një supergol me parabul.
Me këtë sukses Lazio vijon të ruajë kreun e Seria A të paktën edhe për 1 javë pavarësisht Roma shkatërroi 1-5 Parma-n. Verdhekuqtë e Gasperini-t realizuan katër herë me sulmuesin Malen, i cili në Parma ishte në versionin e një ‘fenomeni’. Ky sukses e ngjiti Romën në kuotën e 30 pikëve, 2 më pak se Lazio kryesuese.
Në Premier League ndodhi ndalesa e Arsenalit kryesues me rezultatin 2-2 në fushën e Neëcastle. Gjithsesi topçinjtë mbetën 6 pikë para Manchester City që ka harruar të fitojë. Skuadra e Enzo Maresca-s barazoi 1-1 në shtëpi kundër Fulham. Për City-n kjo ishte ndeshja e katërt radhazi pa fitore.
gijotina.com/









Discussion about this post