Një 32-vjeçar nga Podujeva ka humbur jetën si pasojë e komplikacioneve nga Covid-19. Lajmin për vdekjen e tij e kanë dhënë familjarët në rrjetet sociale.
“Njoftojmë farefisin, miqtë se sot pas një beteje të mundimshme me Covid-19 ndërroj jetë i dashuri ynë Haqif Basri Ajvazi-Coli, 32 vjeç!
Varrimi i të ndjerit do të bëhet në ora 14:00, në varrezat e fshatit Sfeçël duke respektuar masta kundër pandemisë, pra me rrethin e ngushtë familjar”, thuhet në postimin e familjarëve.
Kujtojmë se situata si pasojë e virusit në Kosovë është e rëndë, ku vetëm ditën e djeshme ndërruan jetë 26 persona dhe u infektuan qindra të tjerë.
