Një punonjës i Policisë së Shtetit është ndarë nga jeta sot, si pasojë e një arresti kardiak. Mësohet se bëhet fjalë për komisarin Edi Veli, shef i Seksionit të Organit Administrativ, pranë Drejtorisë Vendore të Policisë Tiranë. Lajmi është bërë me dije nga kolegët e tij, të cilët u kanë shprehur ngushëllimet më të thella familjarëve.
“Sot u nda para kohe nga jeta, në krye të detyrës, për shkak të një arresti kardiak, kolegu ynë i vyer Komisar Edi Veli, shef i Seksionit të Organit Administrativ Shtetëror, pranë Drejtorisë Vendore të Policisë Tiranë.
Edi ishte oficer karriere i Policisë së Qarkullimit Rrugor, i cili ka dhënë ndër vite kontributin dhe përkushtimin e tij të paçmuar, në kryerjen me profesionalizëm të detyrës.
Sot, familja humbi njeriun e zemrës, shoqëria mikun hokatar dhe çdo punonjës i Policisë, kolegun dhe profesionistin e respektuar.
Policia e Shtetit i shpreh ngushëllimet më të sinqerta familjes dhe të afërmve të tij.”-shkruhet në mesazhin e policisë së shtetit.
Discussion about this post