Familja Durda, e cila humbi Edison 7-vjeçar nga shpërthimi në Gërdec, i kërkon SPAK-ut të ndryshojë kualifikimin e veprës penale për ish Ministrin e Mbrojtjes Fatmir Mediu.
Ata kërkojnë që akuza ndaj Mediut të ndryshojë nga “shpërdorim detyre” në ‘vrasje në rrethana cilësuese’ ose “vrasje me dashje të tërthortë” që do të thotë nuk donte pasojën por e la të ndodhte.
Kërkesa është depozituar të premten në Prokurorinë e Posaçme, përmes prapësimeve të dorëzuar si pala kallëzuese pasi SPAK i njoftoi për përfundimin e hetimeve.
Bashkëshortët Feruzan dhe Zamira Durda, që në tragjedinë e 15 marsit 2008 humbën djalin e tyre 7 vjeçar Edisonin u paraqitën sërish në SPAK. Ata dorëzuan me shkrim pretendimet brenda afatit 10-ditor nga njoftimi i akuzës për ish-ministrin.
Discussion about this post