Pasi nuk mundi që të sigurojë shërbimet e francezit Marcus Thuram, me sulmuesin që zgjodhi anën zikaltër të Milanos, AC Milan ka piketuar një tjetër lojtar interesant për sulmin.
Bëhet fjalë për El Bilal Toure, sulmuesin nga Mali. Afrikani 21-vjeçar ka kontratë deri në vitin 2028 me spanjollët e Almerias.
Gjatë sezonit të fundit, El Bilal shënoi 7 gola në kampionat, duke regjistruar edhe dy asistime. Për El Bilal Toure ka interesim konkret edhe nga Napoli dhe Atalanta.
Pavarësisht moshës së re, ai ka luajtur 13 ndeshje me kombëtaren e vendit të tij. Duke gjetur rrugën e rrjetës në 3 raste. Përveç majës së sulmit, El Bilal Toure mund të luajë edhe në krahun e djathtë.
Almeria kërkon 15-20 milionë euro për kartonin e tij. Drejtuesit e Milanit kanë marrë “po”-në e sulmuesit, dhe tani po punojnë për të arritur akordin zyrtar me klubin iberik.
Discussion about this post