Humbi një ditë më parë në Orikum, gjendet 73 vjeçari nga Gjermania

Turisti gjerman i cili një ditë më parë u deklarua i humbur në Gadishullin e Karaburunit është gjendur sot.

Policia e Orikumit ka kërkuar gati 12 orë për të gjetur 73 vjeçarin gjerman i cili prej mëngjesit të djeshëm kishte humbur kontaktet, pasi kishte dalë së bashku me qenin e tij

Sipas policisë së Orikumit e cila vijon të jetë në Karaburun , gjermani 73 është mirë dhe ka nisur sinjal nga vendi ku ndodhet në “Skalom të Beget” një gji në afërsi të Bristanit mbas bazës së Pashalimanit.

Gjermani është i apasionuar pas hiking dhe kryesisht pas vendeve të pa eksploruara.

Ndërkohë policia ka kontaktuar me 73 vjeçarin dhe po shkon në gjirin ku ai qëndron.