Hyrja e tij shkaktoi “trazira” në studio/  Ja kush është konkurrenti i ri i “Përputhen”

Ditën e sotme emisionit “Përputhen” i është bashkuar një konkurrent i ri. Ai është Jetmiri, 33-vjeçari që jeton në Suedi prej vitesh ku tha se punon si menaxher.

Sakaq, ende pa u prezantuar në studio, ai kishte zhvilluar një takim me Efin, ku kjo e fundit kishte mundësi vetëm ta dëgjonte dhe jo ta shihte. Gjatë takimit të tyre, Jetmiri kishte zbuluar se ka qenë në një lidhje për tetë vite, por ishte ndarë dy vite më parë.

Por kur Jetmiri u prezantua në studio Efi tha se nuk është ashtu si ajo e kishte imagjinuar gjatë takimit të tyre.

“Nuk di të them për mirë apo për keq, por nuk është siç e kam imagjinuar”, tha ajo.

Ndërkohë, Jetmiri duket se “ka trazuar ujërat” menjëherë dhe nuk është pritur shumë mirë nga djemtë e tjerë. I pyetur se çfarë do sjellë ai ndryshe që mungon tek ata, ai u shpreh se mu8ngojnë shumë gjëra.

“Mungojnë shumë gjëra. Për sa kohë ju nuk keni dhënë asgjë për gocat në kaq muaj, domethënë nuk keni dhënë gjë.”- iu drejtua ai djemve.

Jetmirit iu dha mundësia që në studio të realizonte një takim tjetër dhe ai prapë zgjodhi Efin. Ndryshe nga takimi i parë këtë herë ishin përballë.