Autoritetet greke kanë ngritur një akuzë të re për 38 vjeçarin shqiptar Izbi Çaushi, i cili ndodhet i paraburgosur në “Koridhalos”, i arrestuar si autor i dyshuar i vrasjes së ndodhur në 20 janar 2023, të një 47 vjeçari grek në Kalamata.
Ngjarja ndodhi për shkak të konflikteve për drogën, ndërsa bashkë me Çaushin u arrestua edhe Aleksandër Koto, 22 vjeç.
Ditët e fundit policia greke ka zbuluar se pavarësisht se ndodhet në burg, Çaushi ka vazhduar tregtinë e kokainës.
Ai bashkëpunonte me gruan e tij dhe një 42 vjeçar grek nga Kalamata. Gjatë kontrollit të banesës së bashkëshortes së tij në Thouria, në një çantë shpine u gjetën 97,9 gram kokainë të ndara në tre pako, 1 peshore dhe 700 euro, ndërsa në banesën e grekut në Kalamata u gjetën dhe sekuestruan 16 gram kokainë ndërkohë që u sekuestruan edhe 500 euro.
Sipas policisë, greku furnizohej me kokainë nga bashkëshortja e Izbi Çaushit, e cila vepronte nën urdhrat e këtij të fundit nga burgu.
Discussion about this post