GIJOTINA
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti
Nuk ka rezultat
View All Result
GIJOTINA
Nuk ka rezultat
View All Result
Fillimi Lajme Aktualitet

I dënuar për trafik droge në Itali dhe nën hetim për kontrabandë ilaçesh, sekuestrohen 29 pasuri të Ilir Shehut

në Aktualitet
Kohë leximi: 4 min
A A
I dënuar për trafik droge në Itali dhe nën hetim për kontrabandë ilaçesh, sekuestrohen 29 pasuri të Ilir Shehut
Facebook Twitter LinkedIn WhatsApp

Prokuroria e Tiranës ka sekuestruar 29 pasuri të Ilir Shehut, i njohur edhe si Ilir Pasholli, i dënuar më parë për trafik droge në Itali dhe nën hetim për një skemë të dyshuar kontrabande ilaçesh mes Italisë dhe Shqipërisë. Mes pasurive të sekuestruara janë kompani farmaceutike, automjete dhe prona të paluajtshme.

Vendimi është marrë nga Gjykata e Shkallës së Parë, me kërkesë të Prokurorisë së Tiranës, në kuadër të një hetimi pasuror për të ardhura që dyshohet se janë përfituar nga veprimtaria kriminale.

Sipas organit të akuzës, hetimet kanë zbuluar një skemë të dyshuar kontrabande ilaçesh nga Italia drejt Shqipërisë, ku dokumentacioni i mallrave manipulohej gjatë procedurave doganore.

Konkretisht, barnat bliheshin në Itali me fatura të rregullta dhe eksportoheshin me dokumentacion që pasqyronte sasinë dhe vlerën reale. Por gjatë zhdoganimit në Shqipëri, sipas Prokurorisë, deklaroheshin më pak produkte nga sa përmbante ngarkesa, duke bërë të mundur futjen e një pjese të ilaçeve në treg pa dokumentacionin përkatës.

Hetuesit dyshojnë se një pjesë e këtyre produkteve më pas legalizohej përmes operatorëve të tjerë, me qëllim fshehjen e origjinës së tyre.

Nga verifikimet pasurore ka rezultuar gjithashtu se Shehu zotëronte pasuri dhe biznese, përfshirë dy godina në Tiranë, për të cilat Prokuroria ngre dyshime se janë krijuar me të ardhura të pajustifikuara.

Në kuadër të masës së sekuestros janë përfshirë subjektet “Medicamenta”, “Mega Store”, “Unipharma” dhe “Italialba Pharma”, si dhe pasuri të paluajtshme e automjete të regjistruara në emër të tij dhe personave të lidhur.

Prokuroria dyshon se pasuritë nuk justifikohen nga burime të ligjshme të ardhurash dhe mund të jenë përfituar nga veprimtaria kriminale.

Njoftimi i plotë i Prokurorisë së Tiranës:

Sekuestrohen me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Tiranë pasuritë e luajtshme dhe të paluajtshme të shtetasit I.Sh., alias I.P. përfshirë subjektet ‘Medicamenta’, ‘Mega Store’, ‘Unipharma’ dhe ‘Italialbania Pharma’ si dhe tetë prona të paluajtshme dhe tetë automjete dhe prona të regjistruara në subjekte të lidhura me të.

Nga hetimet mbi procedimin pasuror nr.23, të nisur mbi bazën e akteve të përcjella nga Drejtoria e Përgjithshme e Policisë së Shtetit mbi ankesën se ky shtetas dhe personat e lidhur me të zotërojnë një sërë pasurish të përfituara në mënyrë të paligjshme nga përfshirja në ativitetin kriminal të lëndëve narkotike, rezultoi se shtetasi I.Sh. alias I.P. ishte zbuluar nga autoritetet italiane si pjesë e një skeme të sofistikuar kontrabande me ilaçe mes Italisë dhe Shqipërisë.

Nga hetimet rezultoi se ai kryente blerje të ilaçeve në Itali me faturë zyrtare, ku regjistronte mbi 10 artikuj të ndryshëm farmaceutikë. Në momentin e eksportit për në Shqipëri, dokumentacioni kalon doganën italiane me vlerë dhe peshë reale. Në doganën shqiptare ndodhte manipulim pasi ruhej vlera dhe pesha por shkurtohej lista e artikujve, duke deklaruar vetëm 4 ose 5 produkte, ndërsa pjesa tjetër futej në tregun shqiptar pa dokumentacion të rregullt. Një pjesë e këtyre barnave, legalizohen nëpërmjet një operatori tjetër, me qëllim të fshihen gjurmët e origjinës së kontrabandës.

Ky shtetas rezultoi se krijoi një pasuri të ngritur mbi aktivitet kriminal dhe mungesë kontrolli institucional. Ai zotëron dy godina biznesi në Tiranë, të krijuar me kapital pas dënimit për trafik ndërkombëtar droge në Itali. Për më tepër, aksioneri italian i Medicamenta është një shtetas italian nën akuzë për korrupsion në vendin e tij. Pavarësisht këtyre fakteve, kompanitë e Shehut kanë operuar lirisht në tregun shqiptar, pa iu nënshtruar ndonjë kontrolli serioz pasuror ose ligjor, edhe pse ligji antimafia parashikon sekuestrim të pasurive për individë të dënuar për trafik ndërkombëtar droge.

Nga analiza e fakteve dhe e dokumentacionit të administruar për sa i përket pasurisë se luajtshme të shtetasit I. Sh. alias I.P., rezulton se kanë një nivel të pajustifikuar ekonomik dhe dyshohet se kjo pasuri e luajtshme, të jetë fituar si rezultat i veprimtarisë së tij kriminale, i dënuar për kryerjen e veprave penale “Përfitim i mallrave të vjedhura”, “Pengmarrje” dhe “Shfrytëzim prostitucioni”.

Për sa më sipër, Prokuroria pranë Gjykatës së Shkallës së Parë të Juridiksionit të Përgjithshëm, Tiranë, kërkoi sekuestrimin e pasurisë të paluajtshme e të luajtshme të subjekteve si më poshtë vijon:

Pasuritë në emër të subjektit I.Sh., alias P:

Pasuria me nr. 211/1/59, Z.K 2119, vol. 12, fq. 12, Rurale 2,
Pasuria me nr. 53/84, Z.K 2735, vol. 9, fq. 219, Rurale 1,
Pasuria me nr. 211/1/46, Z.K 2119, vol. 10, fq. 237, Rurale 2,
Pasuria me nr. 211/1/45, Z.K 2119, vol. 10, fq. 236, Rurale 2,
Pasuria me nr. 211/1/42, Z.K 2119, vol. 10, fq. 218, Rurale 2,
Pasuria me nr. 211/1/48, Z.K 2119, vol. 11, fq. 76, Rurale 2,
Pasuria me nr. 211/1/72, Z.K 2119, vol. 12, fq. 149, Rurale 2,
Pasuria me nr. 211/1/91, Z.K 2119, vol. 14, fq. 8, Rurale 2.
Për subjektin: Mega Store shpk:

Pasuria me nr. 211/1/49, Z.K 2119, vol. 11, fq. 77, Ruale 2.
Pasuri të luajtshme: MEGASTORE:

Peugeot, vitprodhimi 2018,
Volkswagen Jetta, vitprodhimi 2015,
Mercedez Benz GLE 2019,
Skoda Kodiaq, vitprodhimi 2019,
Volksëagen Caddy, vitpordhimi 2018,
Volksëagen ID.3, vitprodhimi 2024,
Land Rover Defender,
Peugeot, vitprodhii 2018.
Sekuestrimin e subjektit:

‘I. Sh’, PF; subjektin ‘MEDICAMENTA’ shpk,
Subjektin ‘MEGASTORE’ shpk;
Subjektin I.Sh. PF;
Subjektin I.Sh. PF;
Subjektin ‘UNIPHARMA’ shpk; dhe
Subjektin ‘ITALIALBA PHARMA’ shpk.
Pasuritë në emër të subjektit H.Sh:

Pasuria me nr. 218, Z.K 3640, vol. 3, fq. 144, ZVRPP Elbasan,
Pasuria me nr. 221, Z.K 3640, vol. 3, fq. 146, ZVRPP Elbasan,
Pasuria me nr. 284, Z.K 3640, vol. 2, fq. 141, ZVRPP Elbasan,
Pasuria me nr. 175, Z.K 3640, vol. 3, fq. 103, ZVRPP Elbasan,
Pasuria me nr. 1001, Z.K 3640, vol. 4, fq. 8, ZVRPP Elbasan, dhe
Pasuria me nr. 100/8, Z.K 3640, vol. 4, fq. 16, ZVRPP Elbasan.

Etiketa: drogekontrabandeSekuestrim

Lajme të lidhura

Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira
Aktualitet

Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira

12:04 - 17/11/26
Rritja e pagave të gjyqtarëve, Bardhi “sulmon” projektligjin: Është shkelur vendimi i Këshillit të Legjislacionit
Aktualitet

Bardhi: Kutitë me para në vilat e Ballukut, si në bodrumet e karteleve të drogës, do votojmë kundër projektbuxhetit 2027

11:42 - 17/11/26
“Jepi shefit një kafe”/ SPAK kërkon burg për dy policët e Orikumit, si u dorëzuan 2.7 milionë lekët
Aktualitet

“Jepi shefit një kafe”/ SPAK kërkon burg për dy policët e Orikumit, si u dorëzuan 2.7 milionë lekët

10:43 - 17/11/26
Para
Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira

Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira

Discussion about this post

TË FUNDIT

Synon vendin e dytë në grup, ja si mund të reshtohet Kosova ndaj Irlandës
Sport

Synon vendin e dytë në grup, ja si mund të reshtohet Kosova ndaj Irlandës

12:15 - 17/11/26

Kosova do të luajë mbrëmjen e sotme ndaj Irlandës në Nations League me synimin për të siguruar vendin e dytë....

Lexo më shumë
Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira

Gjekmarkaj takon aleatin e Melonit në Milano: Diskutuam për protestat në Shqipëri dhe nevojën për zgjedhje të lira

12:04 - 17/11/26
I dënuar për trafik droge në Itali dhe nën hetim për kontrabandë ilaçesh, sekuestrohen 29 pasuri të Ilir Shehut

I dënuar për trafik droge në Itali dhe nën hetim për kontrabandë ilaçesh, sekuestrohen 29 pasuri të Ilir Shehut

12:00 - 17/11/26
“Një padrejtësi nuk ndreqet nga një padrejtësi tjetër!” Reagimi i Thaçit pas dënimit të dytë nga  Haga

“Një padrejtësi nuk ndreqet nga një padrejtësi tjetër!” Reagimi i Thaçit pas dënimit të dytë nga Haga

11:50 - 17/11/26
Rritja e pagave të gjyqtarëve, Bardhi “sulmon” projektligjin: Është shkelur vendimi i Këshillit të Legjislacionit

Bardhi: Kutitë me para në vilat e Ballukut, si në bodrumet e karteleve të drogës, do votojmë kundër projektbuxhetit 2027

11:42 - 17/11/26

GIJOTINA

Gijotina është media e pavarur, e iniciuar nga gazetarë profesionistë dhe të rinj, të karakterizuar nga paanshmëria, që sjellin tek ju gjithçka ndodh në Shqipëri, me lajme të shpejta, cilësore, investigime, fact-checking dhe analiza, duke denoncuar çdo shkelje apo abuzim ndaj qytetarëve shqiptarë.

KONTAKT

  • Contact page
  • [email protected]
  • [email protected]
  • [email protected]

Harta e Faqes

Nuk ka rezultat
View All Result
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti

© 2022 Gijotina Dev By Techzero1.com