“I gjetën piktura të lara me flori në banesë”, Këlliçi reagon: Të shporrim hajdutin Veliaj

Partia Demokratike ka njoftuar zhvillimin e protestës së radhës para Bashkisë së Tiranës kundër kryebashkiakut Erion Veliaj.

Protesta do të mbahet ditën e premte më 17 janar, në orën 11:00. Kjo do të jetë protesta e 42-të që zhvillohet në kryeqytet nga opozita dhe Aleanca për Mbrojtjen e Teatrit.

Drejtuesi politik i PD-së për Tiranën, Belind Këlliçi njoftoi se kjo do të jetë një protestë para bashkisë, që e konsideroi si skenën e krimit më të madh financiar që ka parë qyteti.

Në një postim në rrjetet sociale, Këlliçi shton se kjo protëstë vjen pas zhvillimeve me sekuestrimin ditën e djeshme nga BKH të mijëra dokumenteve e kontratave në shtëpinë e Veliajt, pikturave që vlejnë qindra mijëra euro, dhe inceneratorit të Tiranës.

“Të premte shihemi sërish në protestë

Pas sekuestrimit ditën e djeshme nga BKH të mijra dokumentave e kontratave në shtëpinë e ‘cash-it’, pikturave të lara në flori që vlejnë qindra mijra euro, kreu i 5D dhe pronari faktik i inceneratorit Tiranë, vijon të shkatërrojë provat dhe vjedhë qytetarët e Tiranës, duke shkuar përditë në zyrën të cilën e grabiti me paratë e shtabit elektoral 5D.

Beteja jonë nuk ndalet! Sërish të premte, datë 17 janar, ora 11:00 do të jemi në protestën e 42 para skenës së krimit më të madh financiar që ka parë qyteti ynë, që formalisht quhet Bashkia Tiranë.

Ky hajdut i pashembullt, që na u promovua nga PS dhe ndërkombëtarët që na duan të mirën, si modeli i të riut të suksesshëm, duhet bërë shëmbull për brezat që vijnë!

Bashkë do i’a dalim”, shkruan Këlliçi në rrjetet sociale.