Ish-kryeministri Sali Berisha ka vazhduar me sulmet ndaj kreut të Partisë Demokratike, Lulzim Basha.
Në një intervistë për mediat, Berisha ka thënë se në vitin 2017, pas humbjes së zgjedhjeve, i ka kërkuar dorëheqjen, por që nuk e bëri. Ai gjithashtu tha se këtë gjë nuk ia ka kërkuar në vitin 2021, sepse e dinte që nuk do e bënte.
“Kur humbi në vitin 2017 i kërkova të jepte dorëheqjen por nuk e bëri. U fut në votim dhe e votuan. Në vitin 2021 nuk i thashë sepse nuk e jepte. Isha i sigurt që nuk do ta jepte. A kishte mbështetje Lulzim Basha që ta bënte këtë? Absolutisht kishte bazë dhe qëndrimi im ishte mbështetës për të. Pse e bëja unë këtë? Sepse nëse ne arrinim të vinim sanksione ndaj Edi Ramës për patronazhistët, për krimin, ne u thonim shqiptarëve që shikoni se ia dolëm. Por sanksione si në vitin 2001, jo si këto tani” – tha Berisha.
