Transferimi i Lionel Messit nga Barcelona te Paris Saint-Germain nuk rezultoi aq produktiv sa pritej nga të gjithë. Argjentinasi vuajti shumë për të gjetur golin e parë, teksa pati edhe një dëmtim që e la jashtë dy ndeshjeve.
Megjithatë duket se ‘pleshti’ është i lumtur te parisienët ose të paktën kështu thotë ai. Në një intervistë të dhënë për revistën “France Football”, e cila do të publikohet këtë të shtunë, sulmuesi foli për herë të parë për situatën e tij te PSG-ja.
“Nuk gabova që erdha në PSG”, – është një pjesë shumë e vogël e intervistës së Messit që është bërë publike.
Rikujtojmë se argjentinasi u bashkua me klubin francez si lojtar i lirë gjatë kësaj vere për shkak se Barcelona nuk rinovoi kontratën me të, duke e justifikuar me rregullat e reja të La Ligas./K.T/Gijotina.com
