E rëndë/ 26- vjeçari gjendet i vdekur në bregdetin e Durrësit, çfarë thotë policia

Një ngjarje e rëndë është shënuar ditën e sotme në Durrës. Burime nga policia bëjnë me dije se një 26- vjeçar është gjendur i vdekur në breg detin e Durrësit.  Policia sqaron se viktima është e moshës 26- vjeç i identifikuar me iniciale E. Xh., banues në Durrës.

Ngjarja u raportua rreth orës 16:45, në lagjen nr. 1, ndërsa policia sqaron se në trupin e 26- vjeçarit nuk janë konstatuar shenja dhune. Paraprakisht dyshohet se ky person ka ndërruar jetë për shkak të arrestit kardiak.

Shkak i vdekjes pritet të zbardhet pas ekspertizës mjekoligjore. Ndërkohë, grupi hetimor ndodhet në vendngjarje dhe po punon për sqarimin e rrethanave të ngjarjes.