Të hënën pasdite, një burrë i armatosur me thikë mori peng dy gra brenda një farmacie që ndodhet në lagjen nr.12 të Parisit. Autoritetet sapo u njoftuan menjëherë vendosën një perimetër të madh sigurie në zonë, dhjetëra makina policie, motoçiklistë, ushtarë, ndodheshin aty, teksa të gjitha bizneset dhe hotelet përreth u mbyllën. Menjëherë, pengmarrësi kërkoi të fliste me Ministrin e Drejtësisë, sipas burimeve policore.
Kush ishin pengjet?
Ata janë menaxherja e dyqanit “Go Shop” dhe vajza e saj 23-vjeçare. E para u lirua në mbrëmje, rreth orës 22:00, e dyta të martën, rreth orës 08:00. Të dyja janë të padëmtuara, por shumë të tronditura, tha prokurorja e Parisit, Laure Beccuau, të martën. Mbrëmjen e së hënës, pengmarrësi propozoi lirimin e më të voglit nga dy pengjet.
Sipas informacioneve bëhet fjalë për një 56-vjeçar, lindur në Tunis, i cili pretendon se është helmuar nga mjeku në të kaluarën dhe dëshiron të njihet si viktimë. Ai është i njohur për policinë për çrregullimet e tij psikiatrike, dhe në veçanti për ngacmimin e një mjeku lokal në zyrën e tij të mjekut, por nuk konsiderohej i rrezikshëm.
Discussion about this post