Një 27- vjeçar në Kurbin është arrestuar ditën e sotme nga policia pasi dy muaj më parë plagoi një 25- vjeçar dhe ishte shpallur në kërkim.
Mësohet se pas dy muajve kërkime, por edhe nga denoncimet e njoftuara u bë i mundur arrestimi i Kadri Kurtaj (Imeri) 27 vjeç, banues në Sanxhak, Kurbin, mbi të cilin rëndojnë veprat penale “Vrasje me paramendim” mbetur në tentativë dhe “Armëmbajtja pa leje”.
Sipas burimeve më datë 14.08.2021, Kurtaj plagosi për motive të dobëta 25 vjeçarin Emanuel Preçi dhe më pas është larguar nga vendngjarja për në banesën e dajës së tij, shtetasit Agron Koçi. Kështu, gjatë kontrolleve të ushtruara nga Policia për kapjen e 27 -vjeçarit, u arrestuar Agron Koçi, i cili gjithashtu kishte fshehur armën e krimit
Gjithashtu, po në banesën e Agron Koçit shërbimet e Policisë gjetën dhe sekuestruan edhe një armë tjetër e llojit pushkë, 8 kallëpe me lëndë plasëse tritol, fitil zjarrëpërcjellës, 70 kapsolla detonatore dhe 1.3 kg lëndë narkotike.
Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme.
