Ish-kryeministri Sali Berisha ka postuar në rrjetin social facebook një mesazh për demokratët, shoqëruar me një video, ku evidentohet roli i tij ndër vite në politikën shqiptare, si drejtues i Partisë Demokratike dhe si drejtues i vendit.
“Miq ju përshëndes me këtë video si kushtrim për çdo demokrate dhe demokrat dhe për çdo shqiptar”, shkruan Berisha.
Në video prej rreth tre minutash përmblidhen pamje që nga viti 1991 dhe deri në vitet e fundit.
Berisha është rikthyer pas në kohë që në vitin 1991, ku me 20 shkurt është rrëzuar bustit i diktatorit Enver Hoxha.
Më tej ai ka kujtuar momentet kur SHBA ka “shtrënguar duart” më Shqipërinë në momentet e saj më kritike.
Thirrja e ish liderit historik Sali Berisha për demokratët , vjen pas vendimit personal të Lulzim Bashës, kreut të PD-së, për përjashtimin nga grupi parlamentar.
Në daljet e tij publike, Berisha është shprehur se Lulzim Basha është i blerë nga Edi Rama dhe se janë ortakë në vendimin për përjashtimin e tij.
Ish lideri historik, nuk ka përjashtuar as mundësinë e kthimit në krye të opozitës.
