Ish-kryeministri, Sali Berisha, ka paralajmëruar arrestimin e mundshëm të kryebashkiakut të Tiranës Erion Veliaj.
Ai shkruan se dokumenti i firmosur nga Erion Veliaj nuk është kompetencë e tij, por e Këshillit Bashkiak të Tiranës dhe Këshillit të Qarkut të Tiranës.
“Miq, në prag të vitit të ri pas darkës së Ligësisë të Lal Plehu-Lul Brava-Taulant Bego Balla, darkë ku palët me kujdestar të përbashkët Irfanin vendosën tja nxjerrin në rrugë të brendshmet narkoshtetit rrogat, targat etj, nga Selia Mavi kësaj radhe nuk doli plumbi në zarf si në filmat me Al Capone por doli dokumenti Bombë për Erion Velinë apo kartolina “flet arresti” e partisë që e implikon Lal Plehun gjer në palcë në aferën 128 milionshe të djegësit të Tiranës.
Ky dokument është vendimi për ndërtimin e djegësit të Tiranës dhe është firmosur në kundërshtim flagrant me ligjin jashtë kompetencave të tij nga Lal Plehu i verbuar nga shuma marramendëse që do grabiste në aferën 128 milione euro të djegësit të Tiranës. Vendimi sipas ligjit është kompetencë ekskluzive e Këshillit Bashkiak të Tiranës dhe Këshillit të Qarkut të Tiranës” – shkruan Berisha.
Duke aluduar për një luftë të brendshme brenda PS dhe duke bërë përgjegjës për nxjerrjen e të dhënave të qytetarëve Veliajn dhe Ballën, Berisha thotë se pala tjetër në selinë rozë, Ahmetaj me Ballukun, i janë kundërpërgjigjur duke nxjerrë dokumentin që e bën atë përgjegjës për incineratorin e Tiranës.
“Në Selinë Mavi flitet se dy janë burimet e mundshme të kartolinës “flet arrest”për Lal Plehun për vitin e Ri.
1- Tigri i Korrupsionit Ahmetaj, i cili pasi gozhdohet përfundimisht në aferat e djegësit të Elbasanit dhe të Fierit që kapin vlerat 52 milionë euro mendoj se me bombën me efekt 128 milionë euro të Velisë shurdhon bujën e dy aferave ku ai është firmë kryesore krimi.
2- Ndrikull Grykësia e ngërthyer nga klanet e drogës ende pa u bërë narkoministre tani kërkon në tavë kokën e Lal Plehut për të garuar për kryetare bashkie për Tiranën. Por pavarësisht se kush ia nisi, kartolina në kodin e narkoshtetit de facto është flet arresti për Lal Plehun” – shkruan Berisha.
Discussion about this post